काठमाडौँ । युक्रेनका राष्ट्रपति भोलोडिमिर जेलेन्स्कीले रुससँगको वार्तामा प्रगति भएको संकेत गरेका छन् । एक भिडियो जारी गर्दै राष्ट्रपति जेलेन्स्कीले रुससँगको वार्ता पहिला भन्दा यथार्थको नजिक पुगेको उल्लेख गरेका छन् ।
उनले भनेका छन्- ‘वार्ता पहिला भन्दा बढी यथार्थवादी देखिएको छ । निर्णयहरू युक्रेनको हितमा हुन भने अझै समय आवश्यक छ ।’
रुसी र युक्रेनी वार्ताकारहरू बीचको वार्ता पछि जारी रहनेछ । रुस र युक्रेनका प्रतिनिधिहरुले पछिल्लो वार्ता भिडियो कन्फेरेन्सबाट गरिरहेका छन् ।
यसैबीच राष्ट्रपति जेलेन्स्कीले आज अमेरिकी कांग्रेसलाई पनि सम्बोधन गर्ने कार्यक्रम रहेको छ ।
