काठमाडौं । केही दिनदेखि राजनीतिक भेटघाटलाई तीव्र बनाएका नेकपा महासचिव नेत्रविक्रम चन्द प्रधानमन्त्री शेरबहादुर देउवालाई भेट्न बालुवाटार पुगेका छन् ।
उनी पार्टी नेताहरू खड्गबहादुर विश्वकर्मा र धर्मेन्द्र बास्तोलालाई लिएर बालुवाटार पुगेका हुन् ।
केपी ओली नेतृत्वको तत्कालीन सरकारसँग तीन बुँदे सहमति गरे पनि हालसम्म सहमति कार्यान्वयन हुन नसकेको भन्दै विप्लवले राजनीतिक सक्रियता बढाएका छन् । यसबीचमा उनले एमाले अध्यक्ष केपी ओली, माओवादी केन्द्रका अध्यक्ष पुष्पकमल दाहाल प्रचण्ड, एमाले नेता माधवकुमार नेपाल, कम्युनिस्ट नेता मोहन वैद्य किरण, डा.बाबुराम भट्टराईलगायतसँग भेटघाट गरिसकेका छन् ।
प्रधानमन्त्री देउवासँगको भेटमा अघिल्लो सरकारसँग भएका तीनबुँदे सहमति कार्यान्वयनमा जोड दिइने नेकपाका नेताहरूले बताएका छन् ।
