काठमाडौं । नेकपा प्रचण्ड–माधव समूहको केन्द्रीय कमिटी बैठक बबरमहलस्थित कार्की ब्याक्वेटमा सुरु भएको छ । बिहान बैठक बस्ने बताइए पनि स्थायी समिति बैठकका कारण दिउँसो साढे १ बजेदेखि सुरु भएको हो ।
स्थायी समितिको बैठकका कारण केन्द्रीय कमिटी बैठक ढिला हुन गएको नेताहरूले बताएका छन्। स्थायी समिति बैठकमा निर्वाचन आयोगले नेकपा विभाजन नभएको भनेर गरेको निर्णयका विषयमा छलफल भएको नेताहरूको भनाइ छ ।
आजको केन्द्रीय कमिटी बैठकले प्रधानमन्त्री केपी ओलीलाई सोधेको स्पष्टीकरणको जवाफ नआएकाले उनलाई साधारण सदस्य नरहने गरी गरिएको कारबाहीलाई अनुमोदन गर्ने छ ।
