काठमाडौं । बलात्कार आरोपमा कारागारमा रहेका क्रिकेटर सन्दीप लामिछानेको पुनरावेदन सुनुवाइका लागि बिहीबार तोकिएको पेशी स्थगित भएको छ ।
सन्दीपकै कानून व्यवसायीले पेशी स्थगित गरेका हुन् । सुनुवाइका लागि पाटन उच्च अदालतमा राज्यलक्ष्मी बज्राचार्य र नरिश्वर भण्डारीको संयुक्त इजलास तोकिएको थियो ।
आफूलाई पुर्पक्षका लागि थुनामा पठाउने आदेशविरुद्ध सन्दीपले गरेको पुनरावेदनको पेशी तेस्रोपटक सरेको हो । पहिलोपटक सन्दीपकै कानुन व्यवसायीले स्थगित गरेका थिए भने दोस्रो पटक हेर्न नभ्याइने भएर सूचीमा परेको थियो ।
