काठमाडौं । भारतीय राष्ट्रपतिमा निर्वाचित भएकी द्रौपदी मुर्मुले पद तथा गोपनीयताको सपथ लिएकी छिन् ।
उनलाई प्रधानन्यायाधीश एनभी रमानाले पद तथा गोपनीयताको सपथ खुवाएका हुन् । सपथ समारोहमा पूर्वराष्ट्रपति रामनाथ कोविन्द, निवर्तमान उपराष्ट्रपति एम वेंकैया नायडू, प्रधानमन्त्री नरेन्द्र मोदी र कांग्रेस अध्यक्ष सोनिया गान्धी उपस्थित थिए ।
सपथ समारोहमा मुर्मुको गृहराज्य ओडिसाका मुख्यमन्त्री नवीन पटनायक, लोकसभा अध्यक्ष ओम बिर्ला र विभिन्न दलका सांसदहरूको उपस्थिति थियो ।
६४ वर्षीय मुर्मु भारतको दोस्रो महिला र आदिवासी समुदायको पहिलो राष्ट्रपति हुन् ।
