काठमाडौं । अमेरिकी राष्ट्रपति जो वाइडेन र चिनियाँ राष्ट्रपति सि चिङफिङबीच कुराकानी भएको छ ।
दुई नेताका बिचमा युक्रेन र रुसबीचको जारी द्वन्द्वका बारेमा भिडियो कुराकानी गरेको अन्तर्राष्ट्रिय सञ्चार माध्यमहरुले जनाएका छन् ।
वार्ताका क्रममा अमेरिकी राष्ट्रपति वाइडेनलाई चिनियाँ राष्ट्रपति सिले रुस–यूक्रेन युद्ध अन्तरराष्ट्रिय समुदायकै चासोको विषय रहेको बताएका थिए ।
अमेरिका–चीन सम्बन्धलाई थप सुमधुर बनाउने बारेमा समेत दुई नेताका बिचमा छलफल भएको बताइएको छ ।
