काठमाडौं । भारतीय प्रधानमन्त्री नरेन्द्र मोदी र रुसी राष्ट्रपति भ्लादिमिर पुटिनका बिचमा टेलिफोन वार्ता भएको छ ।
वार्ताका क्रममा रुसी राष्ट्रपति पुटिनले युक्रेनमाथि गरेको आक्रमणका बारेमा जानकारी दिएको भारतीय समाचार संख्या एएनआईले जनाएको छ । एएनआईका अनुसार भारतीय प्रधानमन्त्री मोदीले संवादबाट समस्याको समाधान गर्न आग्रह गरेको जनाइएको छ ।
यसअघि पाकिस्तानी प्रधानमन्त्री इमरान खानले भने मस्को पुगेरै पुटिनसँग भेटवार्ता गरेका छन् ।
