काठमाडौं । अफगानिस्तानको राजधानी काबूलमा भएको बम विस्फोटमा परेर कम्तिमा ६ जनाको मृत्यु भएको छ ।
समाचार संस्था रोयटर्सका अनुसार शिया मुश्लिम समुदायको बसोबास रहेको क्षेत्रमा बम विस्फोट भएको हो । तालिवानी सरकारले घटना भएको भएपनि मृत्युका बारेमा आधिकारिक धारणा सार्वजनिक गरेको छैन ।
तर नाम नबताउने सर्तमा तालिवानी एक अधिकारीले बम विस्पोट भएको र कम्तिमा पनि ६ जनाको मृत्यु भएको जानकारी दिएका छन् । उनका अनुसार कम्तिमा ७ जना घाइते भएका छन् । काबूलको दक्षिणतर्फ रहेको स्थानमा यसअघि समेत आइएसले आक्रमण गर्दै आएको भएपनि शनिबारको विस्फोटको जिम्मा भने कसैले लिएको छैन ।
