काठमाडौं अमेरिकाका एक चर्चित वकिलले मृत्युपछि आफ्नो छोरालाई बिमा रकम आउने आशाले आफैले आफैलाई मार्नका लागि मानिस खटाएको खुलेको छ ।
अमेरिकी समाचार संस्था सिएएनका अनुसार अमेरिकाको साउथ क्यारोलिनाका वकिल एलेक्स मुर्दाउघले आफुलाई मार्नका लागि मानिसलाई रकम दिएर गोली हान्न लगाएको पुष्टि भएको हो । तर गोली हान्ने व्यत्तिलाई रकम तिरेर ल्याएको भएपनि उसले गोली हान्न नजानेका कारण वकिल घाइतेमात्र भएको अमेरिकी प्रहरीले जनाएको छ ।
आफ्नो मृत्यु भएको भए १० मिलियन डलर पाउने भएकाले ति वकिलले आफ्नै मृत्युका लागि कुर्तिस एडवार्ड स्मीथ नामको व्यक्तिलाई रकम दिएका थिए । सिएएनका अनुसार गोली चलाउने स्मीथलाई प्रहरीले नियन्त्रणमा लिएको छ ।
ति वकिलको श्रीमती र एक छोराको तिनमहिना अघि हत्या भएको थियो । बाँकी रहेको एक छोरालाई बिमा रकम आउने आशाले आफैलाई गोली हान्नका लागि मानिस ल्याएको भएपनि उनको मृत्यु भने भएन ।
