काठमाडौं । अफगानिस्तानको सत्ता कब्जा गरेको तालिबान समूहले सरकार घोषणा गरेको छ ।
अफगानिस्तानको राजधानी काबूल कब्जा गरेको तीन सातापछि तालिवानले प्रधानमन्त्रीमा हसन अखुन्द हुने जनाएको विवीसीले जनाएको छ । तालिवानका प्रवक्ता जबिहुल्ला मुजाहिदका अनुसार सरकारमा उपप्रधानमन्त्रीको जिम्मा भने तालिबानका संस्थापक अब्दुल गनी बरादरलाई दिएको बताएका छन् ।
विगत केही दिनयता तालिवानले जुनसुकै बेला सरकार गठनको घोषणा गर्ने बताउँदै आएका थिए । मंगलबार मात्रै राजधानी काबूलमा महिला अधिकारको पक्षमा भन्दै तालिवानविरुद्ध प्रदर्शन भएको थियो ।
