त्रिपोली। लिबियाको कारागारमा रहेका ८४ जना नाइजेरियाली कैदीलाई रिहा गरिएको छ ।
न्याय मन्त्रालयले शुक्रवार दिएको जानकारीअनुसार ती कैदीलाई उनीहरूका बच्चासहित रिहा गरिएको हो । रिहा भएका ती कैदीलाई उनीहरूकै देश नाइजेरिया फिर्ता पठाएको अधिकारीले जनाएका छन् ।
अदालतको आदेशबाट रिहा भएका यी सबैलाई लिबियाबाट निकालिएको मन्त्रालयद्वारा प्रकाशित विज्ञप्तिमा जनाइएको छ । सबै कानुनी प्रक्रिया पछ्याउने जिम्मा पाएका टोलीले नै उनीहरूलाई देश निकाला गरेको जनाइएको छ ।
अवैध आप्रवासी वा आपराधिकरुपमा दोषी ठहरिएका सबैलाई उनीहरूकै देश फर्काइएको अधिकारीले जानकारी दिएका छन् । दुवै देशका अधिकारीको उपस्थितिमा उनीहरूलाई आफ्नै देश फिर्ता पठाइएको हो ।
