बेलायतकी रानी एलेजावेथ द्वितीयका श्रीमान् युवराज फिलिपको निधन भएको छ।
९९ वर्षको उमेरमा राजकुमार फिलिपको निधन भएको शुक्रबार बकिङ्घम प्यालेसले जनाएको छ। उनको शुक्रबार बिहान निधन भएको हो।
फिलिप र एलिजवेथबीच सन् १९४७ मा विवाह भएको थियो। पाँच वर्षपछि एलिजावेथ बेलायतकी महारानी बनेकी थिइन्।
फिलिप र एलिजावेथका ४ छोराछोरी छन्। उनीहरूका ८ नाति-नातिनी र १० पनाति-पनातिनी छन्।
बेलायतका प्रधानमन्त्री बोरिस जोन्सनले फिलिप्सको निधनमा दुस्ख व्यक्त गर्दै उनको अदभूत जीवन र कामका लागि राष्ट्रका तर्फबाट धन्यवाद दिएका छन्।
