मस्को। रसियामा निर्मित कोरोना भाइरसविरुद्धको खोप स्पुतनिक भि प्रयोग गर्ने देशमा बेलारुस दोस्रो बनेको छ ।
यसअघि रुसले यसको प्रयोग गरेको थियो । यो खोपको विकास पनि रुसमा नै एक सरकारी निकायले गरेको थियो ।
स्पुतनिक भि खोप उत्पादन गर्ने निकायको आधिकारिक सामाजिक सञ्जालमा लेखिएको छ, “यो खोप प्रयोग गर्ने देशहरुको सूचीमा बेलारुस दोस्रो भएको छ, बेलारुसमा आम नागरिकलाई पनि यो खोप लगाउन थालिएको छ ।”
सो निकायले आफ्नो खोप विश्वसनीय र प्रभावकारी भएको, तर शरीरमा कुनै प्रतिकूल प्रभाव नपर्ने दाबी पनि गरेको छ ।
स्पुतनिक भि खोप लगाएकाहरुलाई लाभ नै भएको र धेरैले राहत महसुस गरेको सो निकायले सामाजिक सञ्जालमा लेखेको छ ।
रुसका स्वास्थ्यमन्त्री दिमित्री पिनेभिचले कोरोनाविरुद्धको खोप प्रयोग गर्ने अवसरलाई बेलारुसले राम्रोसँग प्रयोग गरेको बताए ।
बेलारुसमा सोमबार एक दिन मात्रै एक हजार ८ सय १४ जना नयाँ कोरोना संक्रमित थपिएका छन् भने अहिलेसम्म एक लाख ८८ हजार ५ सय ८८ जना संक्रमित भएका छन् ।
