युगान्डाका सेना प्रमुख तथा नवनिर्वाचित राष्ट्रपति योवेरी मुसेभेनीका छोराले शुक्रबार मतदानपछि ३० जना विपक्षीहरु मारिनुका साथै दुई हजारलाई हिरासतमा लिएको बताउनु भएको छ ।
जनवरी– १५ को चुनावपछि सुरक्षा बलले घरमा छापा मारेको आरोप लगाएपछि विपक्षी नेता बोबी वाइन शुक्रबार लुकेर बसेको जनाइएको छ ।
उहाँले चुनावलाई नियम विपरित भन्दै विरोध प्रदर्शनको आह्वान गर्नु भएको छ ।
निर्वाचन आयोगका अनुसार ८१ वर्षीय मुसेभेनीले ७२ प्रतिशत मतसहित सातौँ कार्यकाल जित्नु भएको छ ।
अफ्रिकी पर्यवेक्षकहरू र अन्तर्राष्ट्रिय गैरसरकारी संस्थाहरूले विपक्षीहरूको भारी दमन र इन्टरनेट बन्दको आलोचना गरेका छन् ।
दुई हजार भन्दा बढी आरोपीहरुलाई पक्राउ गरेको सेना प्रमुख मुहोजी कैनेरुगाबाले वाइनको उपनाम प्रयोग गर्दै सामाजिक सञ्जाल एक्समा उल्लेख गर्नु भएको छ ।
“अहिलेसम्म ३० जना एनयुपी आतङ्ककारीहरूलाई मारेको वाइनको पार्टी, नेसनल युनिटी प्लेटफर्मलाई उल्लेख गर्दै उहाँले बताउनु भयो ।
पछिल्लो समयामा पक्राउ परेका मध्ये युगान्डाको बुटाम्बाला क्षेत्रका विपक्षी सांसद मुवाङ्गा किभुम्बी पनि रहेको जनाइएको छ । जहाँ चुनावको दिन सबैभन्दा गम्भीर हिंसा भएको रिपोर्ट गरिएको थियो ।
किभुम्बीलाई उदृत गर्दै एएफपीले सुरक्षा बलले उहाँको घरमा आक्रमण गरी दश जना अभियान एजेन्टहरूको हत्या गरेको र समर्थकहरूलाई भोट गणना केन्द्र र प्रहरी स्टेसन जलाउने प्रयास गरेपछि गोली हानिएको जनाएको छ ।
विपक्षी दलका वकिललाई उदृत गर्दै ६०० भन्दा बढी मानिसहरूलाई चुनावी विरोध प्रदर्शनमा पक्राउ गरिएको एएफपीले जनाएको छ ।
