काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले विद्युतीय चार्जिङ स्टेशन बनाउनको लागि निजी क्षेत्रले लगानी गर्नुपर्ने बताएका छन् । बुधवार नेपाल विद्युत प्राधिकरणले देशभर निर्माण गरेका ५१ वटा चार्जिङ स्टेशनको बुधबार संयुक्त रुपमा उद्घाटन भएको छ । उक्त कार्यक्रममा बोल्दै नेपाल विद्युत प्राधिकरणका कार्यकारी निर्देशक कुलमान घिसिङले यस्तो बताएका हुन् ।
विद्युतीय सवारी साधनको बिस्तार र चार्जिङ स्टेशन विस्तारको लागि निजी क्षेत्रको अग्रसरता आवश्यक रहेको उनको भनाइ छ । निजी क्षेत्रलाई चार्जिङ स्टेशन बिस्तारको लागि ल्याउन ऊर्जा मन्त्रालयले नीतिगत सुधार गर्न लागेको निर्देशक घिसिङले बताए ।‘ उनले आगामी दिनमा नेपालको ग्रीन इनर्जी कन्भर्सन हुने र यसले नेपालको अर्थतन्त्रलाई सकरात्मक योगदान पुग्ने बताए ।
देशभर ५१ वटा चार्जिङ स्टेशन शुरु गरेको दुई वर्ष भएको बताउँदै उनले प्राधिकरणले ११ वटा थप गर्ने योजना रहेको बताए । नेपालमा थप विद्युतीय चार्जिङ स्टेनको स्थापनाका लागि सरकारी निकायलाई सहयोग गर्न निजप् क्षेत्रको आवश्यकता रहेकाले नीजि क्षेत्रलाई विद्युतीय चार्जिङ स्टेसन स्थापना जोड्न सरकारले नीति बनाउन लागिएको बताए ।
उनले भने,‘ नीजि क्षेत्रलाई विद्युतीय चार्जिङ स्टेसनहरु यात्रा गर्दा सहज हुने गरी बनाउनको लागि निजी क्षेत्रलाई ल्याउनको लागि नीति बनाउन लागिएको छ’ प्राधिकरणले दिनुपर्ने सेवा ट्रान्सफरमर देखि विद्युत सप्लाईको साइटमा लगानी गरिरहेको र जग्गा र चार्जिङ स्टेशन निजी क्षेत्रलाई अरु सेवा सुविधाहरु प्राधिकरण लगानी गर्ने निर्देशक घिसिङले बताए ।
निजी क्षेत्रले जग्गा र चार्जिङ स्टेशन लगानी गरे अरु सेविधाहरुमा प्राधिकरणले लगानी गर्ने प्रतिवद्धता समेत उनले बताए प्राधिकरणले दिनुपर्ने सेवा ट्रान्सफरमरदेखि विद्युत सप्लाईको साइटमा लगानी गरिरहेको उनले उल्लेख गरे । बुधबार एकसाथ उद्घाटन गरेका ५१ वटा स्टेशनले सवारी साधनमा संचालनमा सहयोग पुग्ने घिसिङले विश्वास लिएको बताए ।
पछिल्लो समय माईक्रो बस, ट्याक्सी र व्यक्तिगत सवारी साधनहरु गरी धेरै विद्युतीय सवारी साधनको प्रयोगमा वृद्धि भइरहेकाले नेपालको यातायात क्षेत्रमा सस्तोमा यात्रा गर्न सकिने उनको भनाइ छ । विगतमा प्रयोग ह्ुँदै आएको पेट्रोल, डिजेलको तुलनामा विद्युतीय चार्जिङ स्टेसनबाट चार्ज गरेको अवस्थमा लगभग २० देखी २५ गुणासम्म सस्तो पर्ने निर्देशक घिसिङले बताए ।
नेपालको विद्युत नेपालमा नै खपत हुने बताउँदै उनले विद्युतीय सवारी साधनको विकाससँगै पेट्रोलिय पदार्थको आयात कम हुने, व्यापारघाटा कम गराउने र विदेशी मुद्रा सञ्चितिमा पनि योगदान पुग्ने उनले बताए प्रधाधिकरण अझै ११ वटा थप विद्युतीय चार्जिङ स्टेसन विस्तारमा प्राधिकरण रहेको उनले बताए ।
नेपाल यातायात राष्ट्रिय व्यवसायी महासंघका उपाध्यक्ष सरोज सिटौलाका अनुसार नेपालमा नै विद्युतीय सवारी साधनहरुको प्रवद्र्धन गरी विद्युतीय पूर्वाधार तयार गर्नसके नेपालमा उत्पादन भएको जलविद्युत देशभित्रै खपत हुने र विद्युतीय सवारी साधनलाई सरकारले प्रोत्साहन गरी पूर्वाधार तयार गरे मुलुकमा उत्पादित विद्युतलाई विदेश निर्यात गर्नु नपर्ने अवस्थाको अन्त्य भई नेपालमा नै यस्को खपत हुने र अर्थतन्त्रलाई पनि थप टेवा पुग्ने उनको भनाइ छ । विद्युतीय चार्जिङ स्टेशनहरु देशभर ५१ वटा मात्रै नभएर ५१ हजार हुन आवश्यक रहेको सिटौलाले बताए ।
