काठमाडौं । अमेरिकाका मुख्य १० वटा यात्रु तथा कार्गो विमान कम्पनीहरुले फाइभजीका कारण उडान प्रभावित हुनसक्ने चेतावनी दिएका छन् ।
अमेरिकामा रहेका मुख्य दूरसञ्चार सेवा प्रदायकहरु एटीएन्डटी तथा भेरिजोनले जनवरी १९ देखि फाइभजी वायरलेस नेटवर्क विस्तार गर्ने तालिका बनाएको र त्यसका कारण जहाजको नेभिगेसन प्रभावित हुने विमान कम्पनीहरुको दाबी छ ।
एयरलाइन्स कम्पनीहरुले नयाँ सी–ब्याण्डको फाइभजी सेवा शुरु हुँदा त्यसको असर उडानमा पर्नसक्ने बताएका हुन् । विविसीका अनुसार उनीहरुले विमानस्थलको रनवेबाट कम्तिमा पनि साढे दुई माइल पर सिग्नल दिन आग्रह गरेका छन् ।
