काठमाडौँ । इन्टर मियामी मेजर लिग सकर (एमएलएस) कपको फाइनलमा पुगेको छ । आइतबार बिहान इन्टर मियामीले न्यूयोर्क सिटीलाई ५-१ गोल अन्तरले पराजित गर्दै फाइनलमा पुगेको हो ।
इन्टर मियामीको जितमा टाडेओ आलेन्डले ह्याट्रिक गरेका थिए भने माटेओ सिल्भेटी र टेलास्को सेगोभियाले एक एक गोल गरेका थिए । त्यस्तै न्यूयोर्क सिटीका लागि जस्टिन हाकले एक गोल गरेका थिए ।
यो जितपछि इन्टर मियामी पहिलो पटक एमएलएस कपको फाइनलमा खेल्ने भएको छ ।
इन्टर मियामीले एमएलएस कपको फाइनल वेस्टर्न कन्फेरेन्सको विजेतासँग खेल्ने छ । इन्टर मियामीले अब फाइनलमा सान डिएगो र भान्कोभर ह्वाइटक्याप्सबीचको विजेतासँग खेल्ने छ ।
