काठमाडौँ । रियल म्याड्रिडले ला लिगा अन्तर्गतको खेलमा भलेन्सियालाई पराजित गरेको छ ।
गएराती सम्पन्न खेलमा रियल म्याड्रिडले भलेन्सियालाई ४-० गोल अन्तरले पराजित गरेको हो ।
रियल म्याड्रिडको जितमा किलियन एम्बाप्पेले २ गोल गरेका थिए भने जुड बेलिङघम र अल्भारो कारेरासले एक एक गोल गरेका थिए । यस खेलमा भिनिसियस जुनियरले पेनाल्टी मिस गरेका थिए ।
यो जितपछि रियल म्याड्रिडको ला लिगामा ११ खेलमा ३० अंक भएको छ र शिर्ष स्थानमा रहको छ । त्यसैगरी भलेन्सियाको ११ खेलमा केवल ९ अंक रहेको छ र लिगमा १८औं स्थानमा झरेको छ ।
