काठमाडौँ । युएईका कप्तान मुहम्मद वसीम मे महिनाको उत्कृष्ट पुरुष क्रिकेटरको अवार्ड जितेका छन् ।
आइसीसीले वसीम मे महिनाको लागि आइसीसी पुरुषतर्फ उत्कृष्ट खेलाडीको अवार्ड जितेको जानकारी दिएको छ ।
वसीमको नेतृत्वमा युएईले आफ्नो टोलीलाई बंगलादेशविरुद्धको सिरिजमा ऐतिहासिक जित दिलाएका थिए ।
युएईले बंगलादेशविरुद्धको सिरिज २-१ ले जित्दा वसीमले तीन खेलमा १६६.६६ को स्ट्राइक रेटमा १४५ रन बनाएका थिए । उनी यस सिरिजको प्लेयर अफ द सिरिज पनि बनेका थिए ।
उनले स्कटल्याण्डका ब्रान्डन म्याकमुलेन र अमेरिकाका मिलिंद कुमारलाई पछि पार्दै यो अवार्ड जितेका हुन् ।
वसीमले यो सम्मान जितेको यो दोस्रो पटक हो, उनको यसअघि अप्रिल २०२४ मा पनि आसिसी पुरुष क्रिकेटरको अवार्ड जितेका थिए ।
