काठमाडौँ । न्यूजील्याण्डले पाकिस्तानविरुद्धको टी-२० सिरिज एक खेल अघि नै जितेको छ ।
आइतबार सम्पन्न सिरिजको चौथो खेलमा न्यूजील्याण्डले पाकिस्तानमाथि ११५ रनको जित हासिल गरेको हो ।
न्यूजील्याण्डले दिएको २२१ रनको लक्ष्य पछाएको पाकिस्तानले १६.२ ओभरमा अल आउट हुदै १०५ रन मात्र बनाएको थियो ।
यस अघि टस हारेर पहिला ब्याटिंग गरेको न्युजील्याण्डले २० ओभरमा ६ विकेट गुमाउदै २२० रन बनाएको थियो ।
यो जितसँगै न्युजील्याण्डले ५ खेलको सिरिजमा ३-१ को अग्रता हासिल गरेको छ भने एक खेल अघि नै सिरिज जितेको छ ।
अब सिरिजको अन्तिम खेल बुधबार हुने छ भने त्यसपछि ३ खेलको एकदिवसीय सिरिज हुने छ ।
