काठमाडौँ । इङलिश प्रिमियर लिग अन्तर्गत ब्राइटनले चेल्सीमाथि शानदार जित हासिल गरेको छ ।
गएराती सम्पन्न खेलमा ब्राइटनले चेल्सीलाई ३-० गोल अन्तरले पराजित गरेको हो ।
ब्राइटनको जितमा यानकुबा मिनटेहले २ गोल गरेका थिए भने काओरु मिटोमाले एक गोल गरेका थिए ।
यो महत्वपूर्ण जितपछि ब्राइटन लिगमा २५ खेलमा ३७ अंकसहित आठौँ स्थानमा उक्लिएको छ । त्यस्तै चेल्सी भने २५ खेलमा ४३ अंकसहित चौथो स्थानमा रहेको छ ।
