काठमाडौं । साविक विजेता फ्रान्स समूह चरणको अन्तिम खेलमा ट्युनिसयासँग १–० गोलअन्तरले पराजित भएको छ ।
ट्युनिसियासँग पराजित भएपनि फ्रान्स समूह ‘डी’ को विजेताकै रुपमा शिर्ष स्थानमा रहँदै अन्तिम १६ प्रवेश गरिसकेको छ ।
पहिलो हाफ गोलरहित सकिएपनि ट्युनिसियालाई जित दिलाउन ५८औं मिनेटमा कप्तान वाहबी खाज्रिले गोल गरे ।
छैठौं पटक विश्वकप खेलेको ट्युनिसियाले आजसम्म समूह चरण पार गर्न सकेको छैन ।
पहिलो खेलमा डेनमार्कसँग गोलरहित बराबरी खेलेको ट्युनिसिया दोस्रो खेलमा अस्ट्रेलियासँग १–० गोल अन्तरले पराजित भएको थियो ।
