काठमाडौं । केन्या विरुद्धको दोस्रो एकदिवसीयमा नेपाल १७ रन विजयी भएको छ ।
नैरोवीस्थित जिमखाना क्रिकेट मैदानमा आज भएको खेललमा नेपालले केन्यालाई १७ रनले पराजित गर्दै श्रृखंला जितेको हो ।
नेपालले दिएको २३१ रनको लक्ष्य पछ्याएको घरेलु टोली केन्या २१३ रनमा अलआउट भयो ।
यसअघि टस जितेर पहिले ब्याटिङ गरेको नेपालले ४९ दशमलव २ ओभरमा सबै विकेट गुमाएर २३० रन बनाएको थियो । नेपालका लागि कप्तान रोहित पौडेलले सर्वाधिक ७८ रन बनाए ।
