काठमाडौँ । चौथो संस्करणको एभरेष्ट प्रिमियर लिग (इपिएल)मा भैरहवा ग्ल्याडियटर्सले सहज जित हात पारेको छ । बुधबार भएको खेलमा भैरहवाले विराटनगर वारियर्सलाई ६ विकेटले पराजित गरेको हो ।
टियु मैदानमा विराटनगरले दिएको ९० रनको सामान्य विजयी लक्ष्य पछ्याउने क्रममा भैरहवाले १५.३ ओभरमा ४ विकेट गुमाउँदै पुरा गरेको हो । भैरहवाका लागि उपुर थंरगाले सर्वाधिक ३४ रन बनाए अविजित रहे । त्यस्तै, प्रदीप ऐरीले २२ रन बनाए ।
