काठमाडौं । नेपाली राष्ट्रिय फुटबल टोली माल्दिभ्स पुगेको छ ।
साफ च्याम्पियनसिप खेल्नका लागि नेपाली टोली आज माले पुगेको हो । नेपाली टोली कतारमा १५ दिनको तयारी सकेर माल्दिभ्स पुगेको हो ।
कतारमा आइतबार राति ओमानसँग मैत्रीपूर्ण खेल खेलेर नेपाली टोली माल्दिभ्स गएको हो । ओमानसँग भएको मैत्रीपूर्ण खेलमा नेपाल ७–२ ले पराजित भएको थियो ।
असोज १५ गतेको साफ च्याम्पियनसिपको उद्घाटन खेलमा नेपालले माल्दिभ्ससँग खेल्दैछ ।
