ढाका । टेष्ट च्याम्पियनसीप अन्तर्गत बंगलादेशविरुद्धको दोस्रो टेष्टमा वेष्ट इन्डिजले २ सय ३१ रनको विजयी लक्ष्य प्रस्तुत गरेको छ ।
खेलको चौथौ दिन वेष्ट इन्डिज दोस्रो इनिङ्समा १ सय १७ रनमा समेटिएपछि बंगलादेशलाई २ सय ३१ रनको विजयी लक्ष्य दिएको हो ।वेष्ट इन्डिजले पहिलो पारीमा १ सय १३ रनको अग्रता लिएको थियो ।
दोस्रो इनिङ्समा वेष्ट इन्डिजका नक्रमा बोनरले ३८, जोशुवा डा सिल्भाले २० तथा जोन काम्पबेललेले १८ रन बनाउनुबाहेक अन्य खेलाडीले दोहोरो अंकमा रन बनाउन सकेन ।
वेष्ट इन्डिजलाई सस्तैमा समेट्ने क्रममा बंगलादेशका ताइजुल इस्लामले ४, नईम हसनले ३ तथा अबु जायदले २ विकेट लिए ।पहिलो पारीमा वेष्ट इन्डिजले ४ सय ९ रन बनाएको थियो ।
यस्तै, बंगलादेशले पहिलो पारीमा लिटोन दास, मेहिदी हसन र मुश्फिकुर रहिमको अर्धशतकीय पारीको मद्धतमा २ सय ९६ रन बनाएको थियो ।पहिलो टेष्टमा वेष्ट इन्डिज ३ विकेटले विजयी भएको थियो ।
