काठमाडौं । सम्पत्ति शुद्धीकरणसम्बन्धी अनुसन्धानमा पक्राउ परेका पूर्वमन्त्री दिपक खड्कालाई जिल्ला अदालत काठमाडौंले ७ दिन हिरासतमा राख्न अनुमति दिएको छ। आइतबार साँझ अदालतमा उपस्थित गराइएका खड्कामाथि थप अनुसन्धान आवश्यक ठहर गर्दै अदालतले प्रहरीलाई सात दिनको म्याद दिएको हो। अदालतका सूचना अधिकारी दिपक श्रेष्ठका अनुसार उक्त अवधिमा अनुसन्धान प्रक्रिया अगाडि बढाइनेछ।
खड्कालाई आइतबार बिहान प्रहरीले जरुरी पक्राउ पुर्जीका आधारमा नियन्त्रणमा लिएको थियो। जेन (जी) आन्दोलनका क्रममा उनको घरमा आगलागी हुँदा नगद जलेको भनिएको भिडियो सार्वजनिक भएपछि उनी अनुसन्धानको दायरामा आएका थिए। उनी यसअघि नेपाली कांग्रेसको तर्फबाट उर्जामन्त्री भइसकेका व्यक्ति हुन्।
यसैबीच, सोही प्रकरणसँग जोडिएका अन्य नेतामाथि पनि अनुसन्धान प्रक्रिया अघि बढाइएको छ। कांग्रेस नेता रमेश लेखकलाई पनि आइतबार अदालतमा पेस गरिएको थियो भने केपी शर्मा ओलीलाई म्याद थपका लागि भर्चुअल माध्यमबाट अदालतमा प्रस्तुत गरिएको बताइएको छ। यो प्रकरणले पछिल्ला दिनहरूमा उच्च राजनीतिक चासो र बहस सिर्जना गरिरहेको छ।
