काठमाडौं । नेपाली कांग्रेसको केन्द्रीय समिति बैठक आजका लागि स्थगित गरिएको छ । पार्टी नेतृत्वले बैठक भोलि बिहान साढे ८ बजे बस्ने गरी समय तय गरेको छ ।
केन्द्रीय सदस्य रामहरि खतिवडाका अनुसार तय समयमै बैठक बस्न नसकेपछि अर्को दिनका लागि सार्ने निर्णय गरिएको हो ।
यसअघि बिहान ११ बजेका लागि बोलाइएको बैठकलाई दिउँसो १ बजेका लागि सारिएको थियो । तर सो समयमा पनि बैठक बस्न नसकेपछि अन्ततः भोलिसम्मका लागि स्थगन गरिएको हो ।
बैठकमा पार्टीका समसामयिक विषय र आगामी कार्यदिशाबारे छलफल हुने अपेक्षा गरिएको छ ।
