काठमाडौं । ललितपुर महानगरपालिकाको नयाँ प्रशासनिक भवन औपचारिक रूपमा सञ्चालनमा आएको छ । राष्ट्रपति रामचन्द्र पौडेलले आज बिहान एक विशेष समारोहबीच भवनको उद्घाटन गर्दै महानगरको सेवाप्रवाह थप सहज हुने विश्वास व्यक्त गरे।
उद्घाटन कार्यक्रममा ललितपुरका जनप्रतिनिधि, स्थानीय अगुवादेखि समाजसेवीसम्मको उल्लेख्य सहभागिता थियो। अत्याधुनिक सुविधासहित निर्माण गरिएको भवन भूकम्प प्रतिरोधी र अपाङ्गता–मैत्री रहेको महानगरले जनाएको छ।
नयाँ संरचना सञ्चालनमा आएपछि महानगरका प्रशासनिक कार्यहरू एकीकृत भएर जनतामैत्री सेवा प्रदान गर्न मद्दत पुग्ने अपेक्षा गरिएको छ।
