काठमाडौँ । आगामी निर्वाचनका तयारी र समग्र सुरक्षा व्यवस्थाबारे छलफल गर्न प्रधानमन्त्री निवास बालुवाटारमा सर्वपक्षीय बैठक सुरू भएको छ। प्रधानमन्त्री सुशीला कार्कीले आह्वान गरेको बैठक केहीबेरअघि प्रारम्भ भएको प्रधानमन्त्रीको सचिवालयले पुष्टि गरेको छ।
बैठकमा निर्वाचनको वातावरण, सुरक्षा संयन्त्रको तयारी तथा सरकारका पक्षबाट भइरहेका व्यवस्थाबीच समन्वयका विषयमा महत्वपूर्ण कुराकानी भइरहेको सचिवालयले जनाएको छ।
छलफलमा सरकारका प्रतिनिधि, प्रमुख पाँच राजनीतिक दलका शीर्ष नेताहरू, निर्वाचन आयोगका पदाधिकारी तथा विभिन्न सुरक्षा निकायका प्रमुखहरूको उपस्थिति रहेको प्रधानमन्त्री कार्कीकी प्रेस संयोजक रामबहादुर रावलले जानकारी दिए।
बैठकमा नेपाली कांग्रेस, नेकपा (एमाले), नेकपा (माओवादी केन्द्र), राष्ट्रिय प्रजातन्त्र पार्टी, राष्ट्रिय स्वतन्त्र पार्टीका प्रतिनिधिहरू सहभागी छन्। आयोग र सुरक्षातर्फका प्रमुखहरूको सहभागिताले आगामी निर्वाचनका सम्पूर्ण व्यवस्थामा सहकार्य र तयारीको स्पष्ट सन्देश दिएको बताइएको छ।
