काठमाडौं । मधेश प्रदेशमा सरकार गठनका लागि भएको सात दलीय परामर्शले नेपाली कांग्रेसका नेता कृष्णप्रसाद यादवलाई मुख्यमन्त्री बनाउने सहमति गरेको छ। आज बिहानैदेखि चलेको बैठकपछि यादवको नाममा सबै दल एकमत भएपछि गठबन्धनका प्रदेश सांसदहरूले सहमति पत्रमा हस्ताक्षर गर्ने काम जारी रहेको एक सांसदले जानकारी दिएका छन्।
नेपाली कांग्रेसका प्रदेश संसदीय दलका नेता रहेका यादवलाई सात दलको समर्थन जुटेसँगै मधेश प्रदेशमा नयाँ सरकार गठनको बाटो खुलेको छ।
