काठमाडौं । नेकपा एमालेका उपाध्यक्ष रामबहादुर थापा बादलले ११औँ महाधिवेशनमा नेतृत्व चयनको क्रममा प्रतिस्पर्धामा जानु पार्टीको विघटनतर्फ लैजान सक्ने बताएका छन्। प्रेस चौतारीमा आयोजित पत्रकार सम्मेलनमा उनले महाधिवेशनलाई एकताको माध्यम बनाउनु पर्ने जोड दिए।
उपाध्यक्ष बादलका अनुसार, ‘हामीले एकताबद्ध भएर वर्तमान नेतृत्वको रक्षा गर्नुपर्छ। प्रतिगामी शक्तिहरू नेतृत्वलाई कमजोर पार्न चाहन्छन्। नेतृत्वको रक्षा गरेर मात्रै प्रतिक्रान्तिको षड्यन्त्र चिर्न सकिन्छ।’उनले महाधिवेशनलाई एकतामा आधारित बनाउने सन्देश अध्यक्षले दिइसकेको बताए। विधान संशोधनमार्फत भए पनि नेतृत्व चयन सर्वसम्मत हुने उनी बताउँछन्।
बादलले वरिष्ठ उपाध्यक्ष ईश्वर पोखरेलले अध्यक्षको उम्मेदवारी घोषणा गर्दै नयाँ नेतृत्व आवश्यक रहेको र वर्तमान अध्यक्षको कार्यशैली उपयुक्त नरहेको तर्क प्रस्तुत गरेको स्मरण गराए। तर उनले ओलीको योगदानलाई पनि उच्च मूल्याङ्कन गर्दै भने कि एमाले र देश अहिले पनि केपी ओलीको नेतृत्व आवश्यक छ। महाधिवेशनमा प्रतिस्पर्धामा जानु पार्टीलाई विघटन र विसर्जनतर्फ लैजान सक्छ,’ उनले स्पष्ट पार्यो।
उक्त घटनाक्रमबीच, महाधिवेशन प्रतिनिधि छनोटलाई लिएर एमालेको केन्द्रीय कार्यालय च्यासलमा भनाभन र धकेलाधकेल भएको छ। शुक्रवार आदिवासी जनजाति लोकतान्त्रिक महासङ्घका केही सदस्यहरू प्रतिनिधि छनोटप्रति असन्तुष्टि जनाउँदै कार्यालय पुगेका थिए।
सङ्गठन विभाग प्रमुख काशीनाथ अधिकारीसँग विवाद हुँदा आक्रोशित कार्यकर्ता र कार्यालयमा उपस्थित अर्का पक्षका कार्यकर्ताबीच धकेलाधकेल भएको बताइएको छ। त्यस्तै, ओखलढुङ्गा, धनकुटा, दाङ लगायतका जिल्लामा पनि प्रतिनिधि छनोटमा भेदभाव भएको भन्दै विवाद देखा परेको छ।
