काठमाडौं । कोशी प्रदेशका मुख्यमन्त्री केदार कार्कीले लेटर हेडमा प्रदेशको नाम नै उल्लेख नगरी तमु ल्होसारको शुभकामना दिएका छन् । लेटरहेडमा प्रदेशको नाम नै उल्लेख नगरी शुभकामना सन्देश जारी गरेर कार्कीले संविधानको धज्जी उडाएका छन् ।
कार्की संविधानतः कोशी प्रदेशको मुख्यमन्त्री नियुक्त बनेका हुन् । संविधानअनुसार नै उनले पद तथा गोपनीयताको शपथसमेत लिएका थिए । तर अहिले पहिचानवादी पक्षधरले प्रदेशको नाम विरोध गरे भन्दैमा मुख्यमन्त्री कार्कीले डराएर लेटरहेडमा प्रदेशको नाम उल्लेख नगर्नु गम्भीर लापरवाही भएको टिप्पणी हुन थालेको छ ।
