काठमाडौं । जारी विश्वकपको तेस्रो स्थानका लागि भएको खेलमा क्रोएशिया विजयी भएको छ ।
मोरक्कोलाई २–१ गोलअन्तरले पराजित गर्दै क्रोएसिया विजयी भएको हो । अल–रायानस्थित खालिफा अन्तराष्ट्रिय स्टेडियममा भएको खेलको ४२ औँ मिनेटमा मिस्लभ ओरसिकले गोल गर्दै क्रोएशियालाई २–१ को अग्रता दिलाएका थिए ।
त्यसअघि खेलको सातौँ मिनेटमा नै १–० ले पछि परेको मोरक्कोका लागि अच्राफ दारीले गोल गर्दै टोलीलाई १–१ को बराबरीमा ल्याएका थिए । खेलको नवौँ मिनेटमा गोल गर्दै उनले मोरक्कोलाई खेलमा फर्काएका थिए ।
खेलको ७ औँ मिनेटमा जोस्को जिचार्डियोलले गोल गर्दै क्रोएशियालाई सुरुवाती अग्रता दिलाएका थिए ।
