रमाउ हेर तिमी सँधै ख़ुशी मेरा तिमीलाई दीऐं ।
नाच्नु तिमी उल्लास पुर्वक,आँगन मेरो तिमीलाई दिऐं ॥
कोशिश गरें मन जित्न,दुई आत्मा एक भई बॉंच्न ।
महंगो रैछ खुशिको मोल,किन्ने जिम्मा तिमीलाई दिऐं ॥
लक्ष्य हाम्रो एक भन्थ्यौ, हिड्ने बाटो पनि एक ।
दोबाटोमा अल्मलिएँ, रोज्न बाटो तिमीलाई दिऐं ॥
सम्हाल्न त खोजेकै हो, खुशी अनि विश्वासलाई ।
डोको रैछ मेरो भॉंडो, खोज्न डालो तिमीलाई दिऐं॥
यात्राक्रम यस्तै रैछ, हिंडदा हिंडदै थाके पाईला ।
हारें मैले जित तिमी, जित मैले तिमीलाई दिऐं॥
