काठमाडौँ । काठमाडौँस्थित त्रिभुवन अन्तर्राष्ट्रिय विमानस्थलको सञ्चार प्रणालीमा खराबी आएका कारण आज दिनभरका उडान प्रभावित हुने त्रिभुवन विमानस्थल कार्यालयले जनाएको छ ।
सञ्चार प्रणालीको खराबीका कारण आन्तरिक तथा बाह्य उडान तालिका हेरफेर हुनसक्ने जनाइएको छ । उडानहरू निर्धारित समयभन्दा ढिलो हुनसक्ने बताइएको छ ।
विमानस्थल कार्यालयद्वारा जारी सूचनामा भनिएको छ ‘त्रिभुवन अन्तर्राष्ट्रिय विमानस्थलको कम्युनिकेसन प्रणालीमा खराबी आएका कारण आजका सम्पूर्ण उडानहरू प्रभावित हुने र उडानहरू ढिला हुन जाने छ ।’
