संकल्पखबर । वीरेन्द्रनगरस्थित प्रदेश अस्पतालमा आँखा रोगको उपचार हुने भएको छ।
अस्पतालले आइतबारदेखि आँखा रोगसम्बन्धी ओपिडि सेवा प्रदान गर्ने तयारी गरेको जनाएको छ ।
अस्पतालका निर्देशक डा. डम्बर खड्काका अनुसार आइतबारबाट बिहान ९ बजेदेखि अपराह्न ४ बजेसम्म आँखा रोग विशेषज्ञ डाक्टरद्वारा उपचार हुनेछ ।
अस्पतालमा आँखा विशेषज्ञ दुई जना डाक्टरले सेवा प्रदान गर्ने जनाइएको छ ।
सरकारी स्वामित्वको प्रदेश अस्पतालबाट आँखा रोगसम्बन्धी सेवा प्रवाह गर्ने नेपालमै पहिलो प्रदेश अस्पतालका रुपमा रहेको निर्देशक खड्काको दाबी छ ।
सामाजिक विकास मन्त्रालयले अस्पताललाई आवश्यक उपकरण खरिदलगायतका पूर्वाधार व्यवस्थापनका लागि रु २० लाख बजेट विनियोजन गरेको थियो ।
