काठमाडौं । नेपाली राष्ट्रिय क्रिकेट टोलीका प्रशिक्षक डेभ वाटमोरले राजीनामा दिएका छन् ।
नेपाल क्रिकेट संघ(क्यान)का अनुसार प्रशिक्षक वाटमोरले ओमनबाट फर्किएपछि लागू हुनेगरी राजीनामा दिएका हुन् । व्यक्तिगत कारण देखाउँदै अचानक राजीनामा दिने घोषणा प्रशिक्षकले गरेको क्यानले जानकारी दिएको छ ।
ओमानमा हुने आईसीसी विश्वकप लिग–२ अन्तर्गत हुने अमेरिका, ओमान र नेपालबीचको त्रिदेशीय श्रृखलापछि मुख्य प्रशिक्षकको जिम्मेवारीबाट राजीनामा दिन चाहेको उनले इमेलमार्फत जानकारी गराएको क्यानले जनाएको छ ।
Cricket Association of Nepal (CAN) is astound by the sudden resignation of our Coach, Dav Whatmore (@dfwhatmore)
— CAN (@CricketNep) August 27, 2021
He has resigned to be effective immediately after the Oman tour citing his personal reasons. He had signed a one year contract with CAN at the beginning of the year. pic.twitter.com/vxB2qBpKjB
वाटमोर एकवर्षअघि मात्रै क्रिकेट टोलीको मुख्य प्रशिक्षक नियुक्त भएका थिए । यसअघि नेपाली राष्ट्रिय क्रिकेट टिमका पूर्वकप्तान पारस खड्काले समेत अन्तर्राष्ट्रिय क्रिकेटबाट सन्यास लिएको घोषणा गरेका थिए ।
