काठमाडौं । सत्तारुढ दलहरुबीच सरकारका न्यूनतम साझा कार्यक्रम ल्याएपछि मात्रै मन्त्रिपरिषद विस्तार गर्ने सहमति भएको छ । सोमबार बालुवाटारमा नेपाली कांग्रेस, नेकपा माओवादी केन्द्र र जनता समाजवादी पार्टीका शीर्ष नेताहरुबीच भएको छलफलमा मंगलबारसम्म न्युनतम साझा कार्यक्रम सार्वजनिक गर्ने र त्यसपछि मन्त्रिपरिषद विस्तार गर्ने सहमति भएको हो ।
शीर्ष नेताहरुको बैठक बस्नुपूर्व आजै गठबन्धनको कार्यदलको बैठक बालुवाटारमै बसेको थियो । सो बैठकले सरकार संचालनको न्यूनतम साझा नीति तथा कार्यक्रमको ड्राफ्ट तयार पारेको छ ।
