काठमाडौं । पूर्वमाओवादी केन्द्रका नेताहरुले दायर गरेको रिटको सुनुवाइ न्यायाधीश दीपक कुमार कार्कीको इजलासमा हुने भएको छ ।
प्रतिनिधिसभा सदस्यमा पुनःवहालीको माग गर्दै पूर्वमाओवादी केन्द्रका नेताहरु टोपबहादुर रायमाझी, लेखराज भट्ट, प्रभु शाह र गौरीशंकर चौधरीले बुधबार सर्वोच्च अदालतले रिट दायर गरेका थिए ।
चार जना नेताहरुको रिटमा सुनुवाइका लागि न्यायाधीश कार्कीको एक इजलासमा पेशी तोकिएको छ । उनीहरुले आफूहरु नेकपा एमालेमा प्रवेश नगरेकोले माओवादी केन्द्रमै रहेको दाबी गरेका छन् ।
सर्वोच्च अदालतले नेकपा खारेज गर्दै एमाले र माओवादी केन्द्र ब्यूँताएपछि चार जना नेताले एमालेमा रहने निर्णय गरेका थिए ।
