काठमाडौं । नेपाल कम्युनिष्ट पार्टी (एमाले) को बरिष्ठ नेता माधवकुमार नेपाल समूहले पार्टी एकताका लागि ६ बुँदे सर्त तेस्र्याएको छ । नेपाल समूहको भर्चुयल केन्द्रीय कमिटी र त्यसपछि बसेको स्थायी समितिको बैठकले पार्टी अध्यक्ष केपी शर्मा ओली समक्ष ६ बुँदे माग अघि सारेको हो ।
केन्द्रीय सदस्यहरुको बैठकमा भएको छलफलको निचोड अनुसार ओलीसँग एकताका लागि आफ्नो बटमलाइन तयार पार्न लागिएको नेपाल समूहको स्थायी कमिटी बसेको हो । उक्त बैठकले एमाले एकताका लागि ओली समक्ष ६ बुँदे प्रस्ताव पारित गरेको हो । पहिलो सर्त पार्टीका सबै संरचनालाई २०७५ जेठ २ गतेको अवस्थामा फर्काउने छ ।
यस्तो छ बटमलाइन
१. माधव–झलनाथसहित ११ जनको कारबाही फिर्ता
२. सबै कमिटी २०७५ जेठ २ फर्काउने
३. स्थायी कमिटीको बैठक त्यही दिन बोलाउने
४. तलका कमिटी मिलाउन कार्यदल बनाउने
५. नवौं महाधिवेशनको निर्णय बमोजिम अघि बढ्न तयार हुने
६. प्रतिनिधिसमा विघटन गलत हो भन्नु पर्ने
