काठमाडौं । विपक्षी गठबन्धनका शीर्ष नेताहरुको छलफल सिंहदरबारमा सकिएको छ । आजको बैठकमा कानुनविद्हरु समेत उपस्थित थियो । रिट दायरपछिको अवस्थामा कसरी अगाडि बढ्ने भन्नेबारे बैठकमा छलफल भएको बुझिएको छ ।
प्रतिनिधिसभा विघटनको विपक्ष र शेरबहादुर देउवालाई प्रधानमन्त्री बनाउन बहुमत सदस्यको दावीसहित सोमबार रिट दायर गरेका विपक्षी गठबन्धनका शीर्ष नेता दोस्रो दिन पनि छलफलमा जुटेका हुन् ।
रिटमाथिको सुनुवाइमा अदालतमा कसरी प्रस्तुत हुनेबारे छलफल भएको कांग्रेस नेता रमेश लेखकले बताए । ‘सम्भवतः भोलि या पर्सिदेखि मुद्दामाथि सुनुवाइ प्रारम्भ होला,’ उनले भने ।
