काठमाडौं । नेपाली काँग्रेसका केन्द्रीय सदस्य नविन्द्रराज जोशीलाई मस्तिस्कघात भएको छ । पूर्वमन्त्री समेत रहेका जोशीको मस्तिस्क घात भएको पारिवारिक स्रोतले जनाएको छ ।
बिहीबार राति स्वास्थ्यमा समस्या देखिएपछि उनलाई वीर अस्पताल भर्ना गरिएको थियो । यसअघि पनि विर अस्पतालमै उपचार गराउँदै आएका जोशीलाई त्यहाँबाट आज विहान नर्भिक अस्पताल लगेर भर्ना गरिएको छ । पारिवारिक स्रोतका अनुसार जोशीको अवस्था गम्भिर रहेको र शल्यक्रियाको तयारी भईरहेको बताइएको छ ।
यसैबीच नेपाली काँग्रेसका सभापति शेरबहादुर देउवाले सामाजिक संजालमार्फत जोशीको स्वास्थ्य लाभको कामना गरेका छन् ।
