काठमाडौं । प्रमुख प्रतिपक्ष नेपाली कांग्रेसको केन्द्रीय समिति बैठक पार्टी कार्यालय सानेपामा सुरु भएको छ । बैठकमा पछिल्लो राजनीतिक परिस्थिति र पार्टी महाधिवेशनको तयारीबारे छलफल हुने एक केन्द्रीय सदस्यले संकल्प खबरलाई जानकारी दिए ।
बैठकले प्रधानमन्त्री ओलीविरुद्ध रणनीति तयार पार्ने बताइएको छ
प्रधानमन्त्री केपी ओलीले प्रतिनिधिसभा विघटन गरेपछि उत्पन्न पछिल्लो राजनीतिक परिस्थितिबारे छलफल गर्न बैठक बसेको हो। बैठकले प्रधानमन्त्री ओलीविरुद्ध रणनीति तयार पार्ने बताइएको छ ।
हिजो सोमबार कांग्रेसले नेकपाको प्रचण्ड–नेपाल समूह र जनता समाजवादी पार्टी (जसपा) सँग छलफल गरेको थियो। उक्त छलफलमा तीनै दलले संयुक्त रुपमा सरकारका कदमबारे छलफल गर्न मंगलबार केन्द्रीय समिति बैठक बोलाउने निर्णय गरेका थिए।
