काठमाडौं । नेपाल कम्युनिष्ट पार्टी(नेकपा) को स्थायी कमिटि बैठकले प्रधानमन्त्री एवं पार्टी अध्यक्षलाई अनुशासनको कारवाहीका लागि सिफारिस गरेको छ ।
आइतवार बसेको स्थायी समिति बैठकले ओलीविरुद्ध आनुशासनको कारवाहीको प्रस्ताव केन्द्रीय समितिमा लैजाने निर्णय गरेको हो । नेकपाको केन्द्रीय समिति बैठक पुस ७ गते काठमाडौमा बस्ने भएको छ ।
यसै गरी आजको बैठकले स्थायीको रिक्त एक पदमा पूर्व सभामुख कृष्णबहादुर महरालाई नियुक्त गर्ने प्रस्ताव पनि केन्द्रीय समितिमा लौजाने निर्णय गरेको छ ।
प्रतिनिधिसभा विघटन गर्ने राष्ट्रपति र प्रधानमन्त्रीको कदमको राजनीतिक प्रतिवादसंगै कानूनी उपचार खोज्ने निर्णय समेत स्थायी कमिटीले गरेको छ ।
स्थायी कमिटी बैठकमा केपी शर्मा ओली भने अनुपस्थित थिए ।
