लुकेर बँच्नु रे यहाँ
सुतेर बाँच्नु रे यहाँ
उठेर हिंड्नु हुन्न रे !
खुलेर डुल्नु हुन्न रे ! ।१।
छुटेर बाँच रे यहाँ
छिपेर बाँच रे यहाँ
समीप जानु हुन्न रे !
कुरूप रूप बन्छ रे ! ।२।छ सास किन्तु आस खै !
विनाश नाश त्रास रे !
गरेर सार मिल्छ के ?
उमेर प्यार हुन्न रे ! ।३।
मरे मलाम हुन्न रे !
सलाम लाम भिन्न रे !
न निस्क भित्र बाँच रे !
किनेर खान साँच रे ! ।४।असङ्ख्य लाश मानवै
बिमार दैत्य दानवै
बिमाख बन्छ रे यहाँ
न छेक भन्छ रे यहाँ । ।५।
समस्त गोलटोल नै
अघोर झोर घोरझैं
भनिन्छ ध्वस्त हुन्छ रे !
कि अस्तब्यस्त बन्छ रे ! ।६।कुचाल ज्यान लिन्छ कि ?
अकाल मृत्यु हुन्छ कि ?
अखण्ड दण्ड मान यो
छ विश्व त्रस्त जान यो ।७।
छ रोदनी जतातता
र सोधनी यताउता
खराब योग शत्रुता
अदृश्य रोग तिक्तता ।८।घुमेर चण्ड विश्वमा
जघण्य सन्ड दृश्यमा
विषाणु कोभिडै छ यो
विनाश विश्व त्रस्त भो ।९।
पदम दाहाल ,मादी संखुवासभा
हालःलोकन्थली, भक्तपुर
९८४२०९९८३१
