१,
जाडो मौसम
बिछ्यानमा पल्टिंदा
खोजेछ तातो
निदाउन खोजेको
जिस्काएछ चिसोले ।
२,
धमिलो पानी
तिर्खा लागेको बेला
सम्झें छानेको
तड्पिएँ प्यासी बनी
पिएँ आँखै चिम्लेर ।
३,
धुलाम्मे बाटो
हिड्डुल गर्न सास्ती
पल्कदै काल
माक्स लगाई हिड्दा
जिस्क्यायो समयले ।
४,
माया जोडियो
खुशी सबै तानियो
नक्कली खुशी
चञ्चले भइदिंदा
पीडाको थुप्रै थुप्रो ।
५,
नक्कली हाँसो
समस्या आइपर्दा
चिनिन्छ मान्छे
सुखमा साथ दिने
दु:खमा भागी जाने ।
६,
पानको पात
चिप्लेकिरा टासिँदा
परेछ प्वाल
खोजेको लाज ढाक्न
निहुरिदै हिँडेको ।
७,
झिंगा बनेर
दु:ख दिन खोजेको
ज्यानै धराप
रिसराग उम्रदा
पोखरी नै भासिन्छ ।
८,
तित्रा बासेछ
ठूलो ठूलो स्वरमा
लम्के सिकारी
निशाना लगाउँदा
गर्भले छाति चौडा ।
९,
हिउँदे झरी
निथ्रुक्क भिजी हिड्दा
खोजी न्यायको
चिसोले जिस्काउँदा
कक्रिदै एकै डल्लो ।
१०,
पर्दा पछाडि
अँध्यारो रच्नेहरु
हौसिदै हिड्छ
कतिन्जेल हिड्ने हो
कालो मन बोकेर ।
११,
यात्राको बेला
बन्दीपुर उकालो
बढे घचेट्दै
स्वागत बाटोभरि
लालुपाते फूलले ।
१२,
बिषादी मन
जतिन्जेल बाचिन्छ
भाग्य बिधाता
जानाजान खाएर
