काठमाडौं।नेपाली कांग्रेसका प्रवक्ता विश्वप्रकाश शर्माले सरकारले अध्यादेश फिर्ता गरेर गल्ति सच्याएको प्रतिक्रिया दिएका छन । सरकारले सोमाबर संवैधानिक व्यवस्था विपरित संवैधानिक परिषद र राजनैतिक दल सम्वन्धी दुई अध्यादेश ल्याएपछि कांग्रेसले फिर्ता लिन माग गरेको थियो ।
केन्द्रीय प्रचार विभागका संयोजक समेत रहेका शर्माले अपहरण शैलीमा सांसद उठाउने कार्यामा संलग्नलाई कार्वाहीको माग गरेका छन । आफ्नो फेसबुक पेज र ट्वीटरमार्फत प्रवक्ता शर्माले उक्क्त धारणा सार्वजनिक गरेका हुन ।
प्रवक्ता शर्माले सम्पूर्ण ध्यान र शक्ति कोरोना विरुद्धको संघर्षमा केन्द्रित गरेर नागरिकको जीवन जोगाउन प्रधानमन्त्री ओलीलाई सुझाव दिएका छन । प्रवक्ता शर्माले भनेका छन अध्यादेश फिर्ता लिएर सरकारले गल्ती सच्यायो,अब अपहरण शैलीमा सांसद उठाउने कर्ममा संलग्नलाई कार्वाहीको प्रतीक्षामा छ देश !
प्रधानमन्त्रीजिलाई जनताको तर्फबाट आग्रह छ अब सम्पुर्ण ध्यान र शक्ति कोरोना विरुद्धको संघर्षमा केन्द्रित गरौं l पहिले नागरिकको जीवन जोगाऔं फुर्सदमा राजनैतिक विवाद गरौंला l
