१.
स्वाभिमानी अडान
स्वार्थलाई ढकेल्दा
टाढियो खुसियाली
सङ्गाल्दै दु:ख ।
२.
दिल उदाङ्गो पार्दै
मायाप्रिति लगाएँ
भाताभुङ्ग विश्वास
चर्केको ऐना ।
३.
बसेथें चुपचाप
जिस्क्यायो माया दिंदै
घाती बन्दा एक्लिएँ
माया नौटङ्की ।
४.
उदास थियो मन
तिमी आयौ नजिक
फुरुङ्ग पर्दै जिस्केको
गाँसियो नाता ।
५.
विश्वास घात हुँदा
आफैमा हराएर
बनेको गुमनाम
स्वार्थ लिलामी ।
६.
जान्नेसुन्ने बनेर
कोतारेको चरित्र
नाङ्गेझार बन्दामा
लुकेछ फुर्ति ।
७.
तिम्रो त्यो कालो आँखा
मिलेको जिउडाल
मीठास पूर्ण बोली
सम्झेको सधैं ।
८.
अपनत्व जोडिदा
दुई आत्माको खेल
लुटिएको खुसीले
जोडिन्छ दूरी ।
९.
बिछोडिएको माया
भद्रगोल जिन्दगी
खोजिएको बिर्सन
गड्यो सम्झना ।
१०.
लैला मजनु जोडी
खुसीयाली बोकेर
मायाको भारी बोक्दा
लोभ झाङ्गेको ।
११.
देखावटी मायामा
लठिदै आत्मा साट्दा
जीवन नै दुर्गन्ध
अगाल्दै मृत्यु ।
१२.
जोडेको सम्बन्धमा
विश्वास तोडेपछि
बन्यो पूर्व पश्चिम
नाता पराई ।
