काठमाडौं।नेपाली कांग्रेसले कोरोनाको ‘स्व–परिक्षण वेब एप’ सार्वजनिक गरेको छ। विशेषज्ञ चिकित्सकहरुको परामर्शमा पार्टीको सूचना, संचार तथा प्रचार विभागले आज एक वेब एप जारी गरेको हो ।पार्टीको वेबसाईट मार्फत www.nepalicongress.org/covid19/ वेब एप जारी गरेको कांग्रेस प्रवक्ता एवं सूचना, संचार तथा प्रचार विभाग प्रमुख विश्वप्रकाश शर्माले प्रेस नोटमार्फत जानकारी दिए ।
वेब एपमार्फत घरमै बसेरपनि कोरोना भाइरस संक्रमणको लक्षण आफूमा रहे र नरहेको परिक्षण गर्न सकिने छ । कसैमा कोरोना संकेत देखिए भौतिक परिक्षण र उपचारका लागि प्रेरित गर्ने र नदेखिए मानसिक तनावबाट मुक्ति दिलाउने वेब एपको विशेषता भएको शर्माले प्रस नोटमार्फत प्रकाश पारेका छन ।
नागरिक पंक्तिमा कोरोना जोखिम बारेको सचेतना थप अभिवृद्धि गराउने वेब एपको उद्देश्य छ । स्व–परिक्षणमा सघाउने र सतर्कताका लागि जागरुक गराउने । संक्रमणको लक्षण देखिएका नागरिकको पहिचान गर्न बल पुर्याउंदै ब्यक्ति, समुदाय र सरकारलाई सघाउने एपको उद्देश्य रहेको प्रवक्ता शर्माले स्पष्ट पारेका छन । एपको निर्माण ई. शशांकश्री न्यौपाने र ई. दिपेश बिष्टले गरेका हुन ।
